Aperçu du jeu
Խաղը կազմված է 3 փուլից: Առաջին փուլ՝ հայկական լեռնաշխարհ: Կազմված է 20 հարցերից: Այս փուլում հարցեր են հայկական լեռնաշխարհի լեռների, ջրերի, Հայաստանի մշակույթի և բնության մասին: Երկրորդ փուլ՝ Ֆոտոքուիզ: Կազմված է 20 նկարներից, որոնք նկարագրում են հայկական մշակույթը և լեռները: Երրորդ փուլը՝ առաջին օգնություն և անվտանգություն: Կազմված է 20 հարցերից, որոնց շնորհիվ կսովորեք ճիշտ ընտրել արշավային գույքը, ինչպես նաև արտակարգ իրավիճակներում արագ կողմնորոշվել: Խաղի կանոններ՝ Բաժանվեք 2 խմբերի, ու սարքը փոխանցեք առաջին խմբի խաղացողներից մեկին: Խաղը սկսվում է առաջին փուլից՝ հայկական լեռնաշխարհից: Խաղացողը կարդում է հարցը և այդ հարցի պատասխան՝ 4 տարբերակները, որոնցից ճիշտ է 1 տարբերակը: Թիմը քննարկելու համար ունի 45 վրկ.: Ընտրվում է պատասխաններից մեկը, և սեղմում են նրա վրա: Եթե պատասխանը ճիշտ է, ապա այն կստանա կանաչ գույն և թիմը կվաստակի միավոր, իսկ սխալ պատասխանի դեպքում այն կարմիր երանգ կստանա: Առաջին փուլի ավարտից հետո, սկսում է երկրորդը, ապա երրորդը: Հաղթող է ճանաչվում այն թիմը, որն ավելի շատ հարցերի ճիշտ կպատասխանի երեք փուլերի ընթացքում, և կհավաքի առավելագույն միավորներ: